بیجنگ۔27اپریل (اے پی پی):چائنا نیوکلیئر انرجی ایسوسی ایشن نے "چائنا نیوکلیئر انرجی ڈویلپمنٹ رپورٹ 2025” بلیو بک جاری کر دی ہے۔چینی میڈیا کے مطابق چین میں فعال ، زیر تعمیر اور منظور شدہ نیوکلیئر پاور یونٹس کی کل تعداد 102 ہے، جن کی تنصیبی صلاحیت 113 ملین کلوواٹ تک پہنچ چکی ہے۔ اس کے ساتھ ہی چین کی نیوکلیئر پاور کا مجموعی پیمانہ پہلی بار دنیا میں پہلے نمبر پر آ گیا ہے۔
چین میں جوہری بجلی کی پیداوار میں مسلسل اضافہ ہو رہا ہے۔2024 میں فعال نیوکلیئر پاور یونٹس کی مجموعی بجلی کی پیداوار 444.7 بلین کلو واٹ فی گھنٹہ تک پہنچ گئی جو ملک کی بجلی کی پیداوار کا 4.72 فیصد ہے اور یہ دنیا میں دوسرے نمبر پر ہے۔
یہ پیداوار 127 ملین ٹن معیاری کوئلے کو جلانے اور کاربن ڈائی آکسائیڈ کے اخراج کو 334 ملین ٹن تک کم کرنے کے برابر ہے۔ چین میں نہ صرف جوہری توانائی کے پیمانے میں توسیع جاری ہے بلکہ چین کی جوہری توانائی کی ٹیکنالوجی کی آزاد جدت طرازی کی صلاحیت میں بھی نمایاں اضافہ ہوا ہے۔
Short Link: https://urdu.app.com.pk/urdu/?p=588417
