بیجنگ ۔26جون (اے پی پی):چین کے شہر ارومچی میں آٹھویں چین یوریشیا ایکسپو باضابطہ طور پر شروع ہوگئی ،یہ نمائش 30 جون تک جاری رہے گی۔ چینی میڈیا گروپ کے مطابق نمائش میں پاکستان ،قزاخستان، کرغزستان، ازبکستان اور تاجکستان مہمان خصوصی ممالک ہیں جبکہ 23 ممالک، 3 علاقوں اور ایک بین الاقوامی تنظیم نے قومی (علاقائی) پویلین اور تصویری پویلین قائم کئے ہیں۔
ایکسپو کے دوران زرعی خوراک، ٹیکسٹائل اور لباس، توانائی، کیمیائی صنعت اور دیگر شعبوں کے حوالے سے روس، وسطی ایشیا، مغربی ایشیا، جنوبی ایشیا اور آر سی ای پی کے رکن ممالک کے لئے3اقتصادی، تجارتی اور سرمایہ کاری ڈاکنگ سرگرمیاں منعقد کی جائیں گی ۔
2011 سے چین۔یوریشیا ایکسپو کامیابی کے ساتھ 7 بار منعقد ہو چکی ہے جس میں مجموعی طور پر اندرون اور بیرون ممالک کے 12ہزار 200 سے زائد نمائش کنندگان شرکت کر چکے ہیں جن کا تعلق پانچ براعظموں کے 70 سے زائد ممالک اور علاقوں سے ہے اور نمائش دیکھنے والوں کی تعداد مجموعی طور پر 2.16 ملین تک جا پہنچی ہے۔
Short Link: https://urdu.app.com.pk/urdu/?p=479022
