اسلام آباد۔2فروری (اے پی پی):احساس کی چھتری تلے تحقیقی حکمت عملی پر ایک مشاورتی ورکشاپ کا انعقاد کیا گیا۔ وزیر اعظم کی معاون خصوصی برائے تخفیف غربت و سماجی تحفظ سینیٹر ڈاکٹر ثانیہ نشتر نے ورکشاپ کی صدارت کی۔ اجلاس میں تحقیقی حکمت عملی کا مسودہ پیش کیا گیا اور اسے حتمی شکل دی گئی۔
ورکشاپ میں احساس کے لیے تین سالہ تحقیقی حکمت عملی کے وسیع خدوخال پر تبادلہ خیال کیا گیا جو تحقیق سے متعلق تمام سرگرمیوں کے لیے فریم ورک فراہم کرے گی جس کا مقصد وسیع تر حفاظتی نیٹ ورک آپریشنز کو مزید بہتر بنانا ہے۔ورکشاپ کے شرکاء سے بات کرتے ہوئے، ڈاکٹر ثانیہ نے کہا کہ "احساس تحقیقی حکمت عملی کے تین ستون ہیں۔
پہلا ستون معلومات اور شواہد کے لیے مقداری اور کوالٹیٹیو ڈیٹا کا استعمال ہے تاکہ احساس آپریشنز کے لیے فوری آپریشنل فیصلے کیے جا سکیں۔ اس سلسلے میں، باقاعدہ پروگرام کے جائزے، فیلڈ آبزرویشنز، اسپاٹ چیک، اور دستاویزات کے جائزے (جیسے آڈٹ رپورٹس اور فیڈوشری رسک اسیسمنٹ)، ڈیٹا اینالیٹکس کا استعمال، اور خودکار ڈیجیٹل انفارمیشن طرز پر بزنس انٹیلی جنس ٹولز کا استعمال فیصلہ سازی کے لیے اہم ہیں۔نئے پروگراموں لئے بروقت تشخیص بھی فیصلہ سازی کو بہتر بنانے میں مدد کرتی ہے۔ انہوں نے کہا کہ دوسری کیٹیگری، زیادہ ساختی اثرات، طریقہ کار اور معلوماتی جائزے پر مشتمل ہے جو مختلف پروگراموں میں شامل ہیں۔
معاون خصوصی ڈاکٹر ثانیہ نے مزید کہا کہ "تحقیق کا تیسرا ستون وہ ہے جہاں احساس اپنی تحقیقی ترجیحات کا خاکہ پیش کرنے کے لیے تعلیمی اداروں کے ساتھ بہتر شراکت داری قائم کرنا چاہتا ہے اور گمنام ڈیٹا اور فیلڈ میں اس کے آپریشنز کو بے نقاب کرنا چاہتا ہے تاکہ دونوں طرف ایک جیسی صورت حال پیدا کی جاسکے ۔
تحقیقی ترجیحات کا خاکہ پیش کرنے سے، احساس کو سینکڑوں پی ایچ ڈی کو متحرک کرنے کا موقع ملے گا۔ اور ماسٹر لیول کے طلباء تحقیق کریں جو احساس سے مطابقت رکھتی ہو۔ دوسری طرف اس سے محققین کو معلومات اور ڈیٹا تک رسائی حاصل ہوگی جو ان کے پاس دوسری صورت میں نہیں ہوگی۔
انہوں نے مزید کہا کہ اس سے "اس سے احساس کی ترسیل کو بہتر بنانے کے لیے معلوماتی شواہد کو پالیسی اور آپریشن کے فرق کو پورا کرنے میں مدد ملے گی” ورکشاپ کے شرکاء میں ڈاکٹر اشفاق حسن خان، ڈین اور پرنسپل نسٹ سکول آف سوشل سائنسز اینڈ ہیومینٹیز، نٹ اوسٹبی، یو این ڈی پی کے ریذیڈنٹ نمائندے، عمر بن ضیا، سینئر پروجیکٹ آفیسر، ایشیائی ترقیاتی بینک؛ ڈاکٹر علی سلمان، ایگزیکٹو ڈائریکٹر، پالیسی ریسرچ انسٹی ٹیوٹ آف مارکیٹ اکانومی، ڈاکٹر عالیہ، ماہر معاشیات قائداعظم یونیورسٹی؛ اور ڈاکٹر زاہد اصغر، ڈائریکٹر سکول آف اکنامکس قائداعظم یونیورسٹی کے علاوہ پائڈ، لاہور سکول آف اکنامکس، ایشین ڈویلپمنٹ بینک، فارن، کامن ویلتھ اینڈ ڈیولپمنٹ آفس، سوشل پالیسی اینڈ ڈویلپمنٹ سینٹر کے سینئر نمائندوں نے بھی ورکشاپ میں شرکت کی۔
احساس کی جانب سے سیکرٹری عصمت طاہرہ، ڈی جی نوید اکبر، ڈی جی نور رحمان اور ڈی جی طارق محمود بھی اس موقع پر موجود تھے۔
