ڈاکٹر مہا جفالی سعودی اولمپک اور پیرا اولمپک کمیٹی کی دوبارہ صدر مقرر

ریاض۔16مارچ (اے پی پی):سعودی اولمپک اور پیرا اولمپک کمیٹی نے ڈاکٹر مہا بنت احمد الجفالی کو سعودی سپیشل اولمپکس فیڈریشن کی صدر کے طور پر دوسری انتخابی مدت کے لیے مقرر کرنے کی منظوری دے دی جو 2024 سے 2028 تک جاری رہے گی۔سبق ویب سائٹ کے مطابق ڈاکٹر مہاالجفالی نے24۔ 2020کی اولمپک مدت کے دوران فیڈریشن کے بورڈ آف ڈائریکٹرز کے ساتھ مل کر قومی، علاقائی اور بین الاقوامی سطح پر فیڈریشن کو مضبوط بنانے میں اہم کردار ادا کیا ہے۔

ڈاکٹر مہا الجفالی نے سعودی اولمپک اور پیرا اولمپک کمیٹی کےسربراہ اعلی شہزادہ عبدالعزیز بن ترکی بن فیصل بن عبدالعزیز اور جنرل اسمبلی کے اراکین کا شکریہ ادا کیا جنہوں نے ان پر اعتماد کرتے ہوئے 2028 تک سعودی سپیشل اولمپکس فیڈریشن کی صدارت میں توسیع دی ہے۔

Short Link: https://urdu.app.com.pk/urdu/?p=573091