بٹگرام ۔ 08 اکتوبر (اے پی پی):ڈرگ انسپکٹر بٹگرام بلال خان نے تھاکوٹ بازار کا دورہ کیا اور بغیر لائسنس اور صفائی کی ناقص صورتحال پر متعدد میڈیکل سٹور مالکان کو جرمانے عائد کئے۔ انہوں نے ادویات کے معیار، زائد المعیاد ادویات، میڈیکل سٹورز کی صفائی اور ادویات فروخت کرنے والوں کے لائسنس چیک کئے۔
ادویات کی لیبارٹری میں ٹیسٹنگ کے لئے مختلف میڈیکل سٹورز سے ادویات کے نمونے بھی لئے گئے۔ بغیر لائسنس اور صفائی ستھرائی کا خیال نہ رکھنے پر متعدد میڈیکل سٹور مالکان کو جرمانے کئے گئے۔ ڈرگ انسپکٹر نے میڈیکل سٹورز مالکان کو تنبیہ کرتے ہوئے کہا کہ
وہ غیر معیاری اور زائدالمیعاد ادویات فروخت کرنے سے گریز کریں اور صفائی کا خاص خیال رکھیں۔ انہوں نے کہا کہ بغیر لائسنس میڈیکل سٹور چلانے کی کسی کو اجازت نہیں دی جائے گی، لوگوں کی زندگیوں سے کھیلنے والوں کے خلاف سخت قانونی کارروائی کی جائے گی۔
Short Link: https://urdu.app.com.pk/urdu/?p=509710