سیالکوٹ۔ 28 اپریل (اے پی پی):ڈسٹرکٹ پولیس آفیسر سیالکوٹ فیصل شہزاد نے شہر کے مختلف تھانوں میں کھلی کچہریوں کا انعقاد کیا اور شہریوں کے مسائل سن کر ازالہ کیلئے احکامات جاری کئے۔ترجمان سیالکوٹ پولیس کے مطابق ڈسٹرکٹ پولیس آفیسر (ڈی پی او) سیالکوٹ فیصل شہزاد نےہاکی سٹیڈیم تھانہ صدر،جناح سٹیڈیم تھاہ رنگ پورہ اور ڈسٹرکٹ کونسل ہال قلعہ تھانہ کوتوالی میں کھلی کچہریوں کا انعقاد کیا، لوگوں کی بڑی تعداد موجود تھی۔
انہوں نے کھلی کچہری کے موقع پر لوگوں کے مسائل دریافت کئے اور متعلقہ ایس ایچ اوز کو فوری انصاف کے احکامات جاری کیے اور جلد رپورٹس جمع کروانے کی ہدایات بھی جاری کیں۔انہوں نے زیادہ تر لوگوں کے مسائل موقع پر ہی حل کردیئے ، کھلی کچہری میں موجود لوگوں نے ڈی پی اوکو تالیاں بجا کر خراج تحسین پیش کیا۔
ڈی پی او نے کہا کہ لوگوں کو جلد انصاف کی فراہمی ہماری اولین ترجیح ہے اور لوگوں کے مسائل حل کرکے مجھے جلد رپورٹ پیش کی جائے۔انہوں نے مزید کہا کہ کھلی کچہری کا سلسلہ جاری رہے گا،جرائم پیشہ عناصر کو کسی قسم کی رعایت نہیں دی جائے گی اور علاقے سے جرائم کا خاتمہ کیا جائے گا۔
Short Link: https://urdu.app.com.pk/urdu/?p=589267
