بٹگرام۔ 09 مئی (اے پی پی):ڈپٹی کمشنر بٹگرام آصف علی خان کی زیر صدارت 26 مئی سے شروع ہونے والی این آئی ڈی پولیو مہم کے حوالے سے اجلاس کا انعقاد کیا گیا۔ اجلاس میں ڈسٹرکٹ پولیس بٹگرام ایڈیشنل ڈپٹی کمشنر بٹگرام، اسسٹنٹ کمشنر بٹگرام ، محکمہ صحت کے افسران، نمائندہ ڈبلیو ایچ او اور دیگر متعلقہ اداروں کے سربراہان نے شرکت کی۔
حکومت خیبر پختونخواہ کے احکامات کی روشنی میں ضلع بھر میں 26 مئی سے پولیو مہم کا انعقاد کیا جائے گا جس میں ضلع بھر کے5 سال تک کی عمر کے بچوں کو پولیو کے قطرے پلائے جائیں گے۔ڈپٹی کمشنر نے محکمہ صحت اور دیگر تمام ڈسٹرکٹ پولیو مانیٹرنگ ٹیمز کے افسران کو پولیو مہم میں بڑھ چڑھ کر حصہ لینے کی ہدایات جاری کرتے ہوئے ضلع بٹگرام سے پولیو کے مکمل خاتمے کے لیے 5 سال تک کی عمر کے ہر بچے کو قطرے پلانے کے لیے ٹیمزکی ٹریننگ اور بہتر لائحہ عمل پر زور دیا۔
انہوں نے کہا کہ والدین سے گزارش ہے کہ وہ اپنے بچوں کو پولیوسے بچاو کے قطرے ضرور پلائیں ان قطروں سے انہیں عمر بھر کی معذوری سے بچایا جا سکتا ہے۔
Short Link: https://urdu.app.com.pk/urdu/?p=594864
