ڈیرہ اسماعیل خان۔۔۔ 14 اپریل (اے پی پی):پنیالہ کے علاقہ وانڈہ بڈھ میں 13 سالہ لڑکی کو اغوا کر لیا گیا۔ وانڈہ بڈھ، پنیالہ کے: علاقے میں ایک المناک واقعہ پیش آیا جہاں 8 مسلح افراد نے 13 سالہ معصوم لڑکی کو شادی کے بہانے اغوا کر لیا۔ اطلاعات کے مطابق، ملزمان نے حسن خان کے گھر میں اس کی غیر موجودگی میں دھاوا بول کر لڑکی کو زبردستی اٹھا لیا۔
واقعے کے دوران اغواکاروں نے ہوائی فائرنگ بھی کی، جس کے بعد وہ فرار ہونے میں کامیاب ہو گئے۔ لڑکی کے والد نے پولیس کو اطلاع دی، جس پر تھانہ پنیالہ میں ملزمان کے خلاف مقدمہ درج کر لیا گیا ہے۔ پولیس نے تفتیش کا آغاز کر دیا ہے اور ملزمان کو گرفتار کرنے کی کوششیں جاری ہیں۔
مقامی افراد نے اس واقعے پر شدید غم و غصہ کا اظہار کیا ہے اور فوری انصاف کا مطالبہ کیا ہے۔ پولیس نے عوام سے تعاون کی اپیل کرتے ہوئے کہا ہے کہ کوئی بھی معلومات فراہم کر کے ملزمان کی گرفتاری میں مدد دے سکتا ہے۔
Short Link: https://urdu.app.com.pk/urdu/?p=581658
