ڈی جی ایل ڈی اے کی ہدایات پر ایل ڈی اے ٹاون پلاننگ ونگ غیرقانونی کمرشل عمارتوں اور کمرشل فیس نادہندگان املاک کے خلاف متحرک

لاہور۔15مئی (اے پی پی):ڈی جی ایل ڈی اے طاہر فاروق کی ہدایات پر ایل ڈی اے ٹاون پلاننگ ونگ غیرقانونی کمرشل عمارتوں، کمرشل فیس نادہندگان املاک کے خلاف متحرک ہے۔ ایل ڈی اے ٹیموں نے مختلف سکیموں اور ایل ڈی اے کنٹرولڈ ایریا میں آپریشن کرکے 161املاک سربمہر کر دیں۔ایل ڈی اے ٹیموں نے گلبرگ،فیصل ٹاون، جوہر ٹاون، شادمان،سمن آباد، گلشن راوی، نیو مسلم ٹاون،مین یو بی ڈی کینال روڈ، علامہ اقبال ٹاون میں غیرقانونی کمرشل عمارتوں کے خلاف آپریشن کیا۔ٹیموں نے غیرقانونی کمرشل استعمال، پینلٹی فیس کی عدم ادائیگی پر ای ون اور ای ٹو بلاک،جوہر ٹاون میں 35املاک سیل کر دیں

خیابان فردوسی روڈ، جوہر ٹاون میں کمرشل فیس کی عدم ادائیگی پر 18املاک سربمہر کر دیں۔ غیرقانونی کمرشل استعمال، کمرشل فیس کی عدم ادائیگی پرگلبرگ،فیصل ٹاون میں 29،شادمان،سمن آباد، گلشن راوی، یو بی ڈی کینال روڈ، نیو مسلم ٹاون میں 47املاک سربمہر کردیں۔ ٹیموں نے ریکوری آپریشن کے دوران علامہ اقبال ٹاون میں 32املاک سیل کر دیں۔سیل کی گئی املاک میں نجی سکول، کلینک،بیکری،گراسری سٹور،فارمیسی، ریستوران، فوڈ پوائنٹ،ورکشاپ، دکانیں، دفاتر ودیگر شامل ہیں۔ آپریشن چیف ٹاون پلانرون اسد الزمان اور چیف ٹاون پلانر ٹو اظہر علی کی زیر نگرانی کیا گیا۔ڈی جی ایل ڈی اے کی ہدایت پرغیرقانونی کمرشل عمارتوں، کمرشل فیس نادہندگان املاک کے خلاف بلاامتیاز کارروائیاں جاری ہیں۔

Short Link: https://urdu.app.com.pk/urdu/?p=597498