حیدرآباد۔ 24 دسمبر (اے پی پی):ڈائریکٹرجنرل زرعی توسیع سندھ منیر احمد جمانی نے کہا ہے کہ صوبے کے کاشتکاروں کو بروقت اور موثر زرعی سہولیات مہیا کر کے انہیں زیادہ سے زیادہ مطلوبہ سہولیات کی فراہمی کو یقینی بنانے کی ہماری بھرپور کوششیں جاری ہیں ۔ یہ بات انہوں نے نئے آئے ہوئے اسٹیٹیکل افسران سے تعارفی اجلاس کے دوران اپنے دفتر میں باتیں کرتے ہوئے کہی۔
ڈی جی منیر احمد میمن نے نئے آئے ہوئے افسران کو اپنے فرائض احسن طریقے سے ادا کرنے کی تلقین کی اور کہا کہ غفلت میں ملوث افسران سے کسی بھی قسم کی رعایت نہیں کی جائیگی۔ انہوں نے تمام اسٹیٹیکل افسران پر زور دیا کہ وہ آئی سی ٹی زرعی توسیع خدمات کے مرکز سے قریبی رابطے میں رہیں تاکہ ان کی آن لائین رپورٹنگ کے عمل کو بغیر کسی رکاوٹ جاری رکھا جاسکے۔
اس موقع پر ذمہ داریاں سنبھالنے والے افسران کو ان کے فرائض سے متعلق تفصیلی آگاہی دی گئی۔ اجلاس میں محکمہ زرعی توسیع کے سینئرڈائریکٹرز بھی موجود تھے۔
Short Link: https://urdu.app.com.pk/urdu/?p=539305
