21.6 C
Islamabad
ہفتہ, مارچ 29, 2025
ہومزرعی خبریںکاشتکاروں کو15 اپریل تک مونگ پھلی کی کاشت مکمل کرنے کی ہدایت

کاشتکاروں کو15 اپریل تک مونگ پھلی کی کاشت مکمل کرنے کی ہدایت

- Advertisement -

فیصل آباد۔ 25 مارچ (اے پی پی):محکمہ زراعت نے کہاہے کہ 25 ڈگری سینٹی گریڈ سے زیادہ درجہ حرارت مونگ پھلی کی کاشت کیلئے انتہائی موزوں ہے لہٰذا کاشتکار 15 اپریل تک مونگ پھلی کی کاشت مکمل،90فیصد سے زیادہ اگاؤ کا حامل خالص بیج اور گریوں کے اوپر والے گلابی رنگ کے باریک صحیح سلامت چھلکے کا بیج استعمال کرتے ہوئے بروقت کاشت مکمل کرلیں تاکہ اچھی پیداوار کاحصول ممکن ہو سکے۔

ماہرین زراعت کے مطابق پیداوار کے اعلیٰ معیار کو برقرار رکھنے کیلئے معیاری بیج کااستعمال انتہائی اہمیت کاحامل ہے۔انہوں نے کہاکہ اگر بیج پرانا ہو، پھلیوں سے دانے زیادہ دیر پہلے نکلے ہوئے ہوں یا گریوں کے اوپر والا گلابی رنگ کاباریک چھلکا صحیح سالم نہ ہو اور بیج ٹوٹاہواہو تو اس کے اگنے کی صلاحیت ختم ہو جاتی ہے۔

- Advertisement -

انہوں نے بتایاکہ شرح بیج 50کلوگرام پھلیاں یا 30کلوگرام گریاں فی ایکڑ رکھنا ضروری ہے تاکہ پودوں کی فی ایکڑ مطلوبہ تعداد 60 سے 65ہزار حاصل کرنے میں مدد مل سکے۔ انہوں نے کہاکہ باری 2000اور گولڈن اقسام وغیرہ انتہائی شاندار فصل کی حامل ہیں جو نہ صرف کیڑے مکوڑوں کے حملوں کے خلاف بھرپور قوت مدافعت رکھتی ہیں بلکہ خشک سالی اور دیگر بیماریوں سمیت موسمی حالات کا بھی مؤثر طریقے سے مقابلہ کرتی ہیں۔

Short Link: https://urdu.app.com.pk/urdu/?p=576116

- Advertisement -
متعلقہ خبریں
- Advertisment -

مقبول خبریں