کاشتکارٹماٹرکی پنیری20دسمبر تک کھیتوں میں منتقل کر دیں،محکمہ زراعت

سیالکوٹ۔13دسمبر (اے پی پی):محکمہ زراعت نے کہا ہے کہ کاشتکار ٹماٹرکی تیسری فصل کی تیارکردہ پنیری 20دسمبر تک کھیتوں میں منتقل کردیں اور اس کے لئے زمین کو اچھی طرح تیارکرلیاجائے۔یہ بات فیلڈ آفیسر مرکز کینٹ سیالکوٹ میمونہ عزیز نے ایک بیان میں کہی۔

انہوں نے کہا کہ ٹماٹرکے پودے کو بہترین نشوونما کے لئے14سے30ڈگری سینٹی گریڈ درجہ حرارت کی ضرورت ہوتی ہے جبکہ ٹماٹر غذائیت کے لحاظ سے اہم سبزی اورحیاتین اے‘سی‘ ریبوفلیون‘تھایامین‘ معدنی نمکیات‘لوہا‘ چونا اور فاسفورس کا مرکب ہے ،اسے سبزیوں کے ساتھ ملاکر پکانے سمیت سلاد کے طورپر استعمال کرکے کئی جسمانی پیچیدگیوں سے بچاجاسکتاہے۔

انہوں نے کہا کہ کاشتکارٹماٹرکی منتقلی کے لئے زرخیزمیرازمین ’’جس میں نامیاتی مادہ وافرمقدارمیں ہو‘‘ کا انتخاب کریں۔

Short Link: https://urdu.app.com.pk/urdu/?p=535350