فیصل آباد ۔ 07 ستمبر (اے پی پی) ماہرین زراعت نے کاشتکاروں کو ہدایت کی ہے کہ وہ شلجم کی کاشت فوری طور پر شروع کر دیںکیونکہ فصل کی بروقت کاشت سے بہتر پیداوار حاصل کی جا سکتی ہے ۔ انہوںنے کہاکہ شلجم کی کاشت کیلئے بہتر نکاس والی زرخیز میرا زمین کاانتخاب بھی ضروری ہے۔ انہوںنے کہاکہ کاشتکار کھیت کی تیاری کیلئے ایک بار مٹی پلٹنے والا ہل اور دو سے تین بار عام ہل چلائیں تاکہ زمین نرم اور بھر بھر ی ہو جائے ۔ انہوںنے کہاکہ گوبر کی گلی سڑی کھاد ڈالنے سے مزید شاندار نتائج کا حصول بھی ممکن ہے۔ انہوںنے کہاکہ اس ضمن میں مزید رہنمائی کیلئے ماہرین زراعت یا محکمہ زراعت کے فیلڈسٹاف کی خدمات سے بھی استفادہ کیاجاسکتاہے۔
