کاشتکار ٹینڈے کی اگیتی فصل کی کاشت اپریل کے آخرتک مکمل کرلیں ، محکمہ زراعت سیالکوٹ

سیالکوٹ۔17اپریل (اے پی پی):محکمہ زراعت نے کاشتکاروں کو ہدایت کی ہے کہ وہ ٹینڈے کی اگیتی فصل کی کاشت اپریل کے آخرتک مکمل کرلیں تاکہ بروقت کاشت کی صورت میں اچھی فصل کا حصول ممکن ہوسکے۔ ترجمان محکمہ زراعت نے اے پی پی کوبتایا کہ ٹینڈے کی اگیتی فصل کی کاشت30اپریل تک مکمل کی جاسکتی ہے۔

انہوں نے کہا کہ کاشتکار ٹینڈے کی کاشت سے قبل کھیت میں گوبرکی گلی سڑی کھادڈال کر ہل چلاتے ہوئے اسے زمین میں اچھی طرح مکس کردیں اور کھیت کو پانی لگادیں۔ انہوں نے کہا کہ ٹینڈے کی کاشت کے لئے 3میٹر کے فاصلے پر نشان لگاتے ہوئے دونوں اطراف 30سینٹی میٹر دور تین بوری سپرفاسفیٹ’ایک بوری امونیم سلفیٹ ڈالتے ہوئے پٹڑیاں اس طرح بنائیں کہ مصنوی کھادبھی مٹی کی 8 سے 10 سینٹی میٹر کے نیچے آجائے۔

Short Link: https://urdu.app.com.pk/urdu/?p=583339