اسلام آباد۔23جنوری (اے پی پی):کامسٹیک کے زیر اہتمام وائرل بیماریوں کی تشخیص میں بنیادی تکنیک کے والے سے انٹرنیشنل ورکشاپ پیر، 25 جنوری سے شروع ہورہی ہے۔یہ تین روزہ ورکشاپ چار تکنیکی سیشنوں پر مشتمل ہے۔ جرمنی، چین، سویڈن اور پاکستان کے ماہرین وائرل بیماریوں کے مختلف شعبوں پر لیکچر دیں گے۔افتتاحی سیشن میں اہم مقررین پروفیسر ڈاکٹر ایس ایم وسیم جعفری، پروفیسر آف میڈیسن، آغا خان یونیورسٹی ہیں۔وائرل بیماریوں کی تشخیص، علاج، روک تھام؛ وائرس جینومکس اور ارتقاء؛ وائرس کا تعارف اور ٹیسٹ سسٹم اور وبائ امراض کا پھیلاؤ اس ورکشاپ کے چند اہم عنوانات میں سے ہیں۔ اس تین روزہ ورکشاپ میں ایک سو سے زاہد قومی اور بین الاقوامی اسکالرز / محققین اور سائنس دان شرکت کر رہے ہیں۔
