کامیڈی کنگ امان اللہ کی پانچویں برسی (کل )منائی جائے گی

لاہور۔5مارچ (اے پی پی):پاکستان کے کامیڈی کنگ امان اللہ کی پانچویں برسی(کل) 6 مارچ کو منائی جائے گی۔ شوبز کی دنیا میں راج کرنے والے کنگ آف کامیڈی امان اللہ خان نے کامیڈین کے طور پر پوری دنیا میں شہرت پائی،وہ مختلف لوگوں کی آوازوں کی نقالی کے بھی ماہر تھے۔

امان اللہ خان 1950 کو لاہورمیں پیدا ہوئے۔ا مان اللہ خان نے 1976 میں پہلی بار سٹیج پر کام کیا اور پھر مڑ کر نہیں دیکھا۔انہوں نے مسلسل 42 سال تک لوگوں کے دلوں پر راج کیا۔امان اللہ خان کا شمار پاکستان کے بہترین مزاحیہ اداکاروں میں ہوتا تھا ان کو اعزاز حاصل رہا کہ انہوں نے لگا تار 860 دن لائیو تھیٹر پر پرفارمنس دی جبکہ حکومت نے انہیں پرائیڈ آف پرفارمنس کے اعزاز سے بھی نواز۔امان اللہ خان 6 مارچ 2020 کو جہان فانی سے کوچ کر گئے۔

Short Link: https://urdu.app.com.pk/urdu/?p=568852