- Advertisement -
کوئٹہ۔ 30 اگست (اے پی پی): کاونٹر ٹیریرزم ڈیپارٹمنٹ بلوچستان نے بلوچستان کے علاقے مہاجر کیمپ سرخاب پشین میں ایک کامیاب انٹیلی جنس بیسڈ آپریشن کے دوران فائرنگ کے تبادلے میں کالعدم تنظیم ٹی ٹی پی کے 4 انتہائی مطلوب دہشت گردوں کو ہلاک کر دیا۔
ترجمان سی ٹی ڈی کے مطابق ہلاک ہونے والوں میں کالعدم ٹی ٹی پی کے بدنام زمانہ شارپ شوٹر شکر دین عرف عمر خالد بھی شامل ہے۔ دہشت گردوں کے خفیہ ٹھکانے سے بھاری مقدار میں اسلحہ و گولہ بارود بھی برآمد کرلیا گیا۔ ہلاک دہشت گرد پولیس اور سیکورٹی فورسز پر حملوں کے علاوہ دہشت گردی کی مختلف سنگین وارداتوں میں ملوث تھے۔ تھانہ سی ٹی ڈی کوئٹہ میں مقدمہ درج کر کے تحقیقات کا آغاز کر دیا گیا ہے۔
- Advertisement -
Short Link: https://urdu.app.com.pk/urdu/?p=384140
- Advertisement -
