کراچی پولیس نے ہفتہ وار کارکردگی رپورٹ جاری کردی

کراچی۔ 20 جنوری (اے پی پی):کراچی پولیس نے ہفتہ وار کارکردگی رپورٹ جاری کردی۔ ایک ہفتہ کے دوران شہر میں ضلعی پولیس کے ڈاکوئوں سے 16مقابلے ہوئے ،فائرنگ کے تبادلے میں 23زخمی ڈاکوئوں سمیت 33ملزمان کو گرفتارکرکے ان کے قبضے سے 25مختلف اقسام کا غیر قانونی اسلحہ، ایک گاڑی اور 17موٹر سائیکلیں برآمدکی گئیں۔ پولیس ترجمان کے مطابق کراچی پولیس نے گزشتہ ہفتے منشیات کیخلاف جاری مہم کے دوران ایسٹ، ویسٹ اور سائوتھ زونز میں کارروائیاں کرتے ہوئے 707ملزمان کو گرفتارکرکے لاکھوں روپے مالیت کی 63کلو 94گرام چرس، آئس،کرسٹال ، ہیروئن اور91اقسام کا غیر قانونی اسلحہ بمعہ ایمونیشن برآمدکرلیاہے۔اس کے علاوہ کراچی پولیس نے مختلف علاقوں میں کارروائیوں کے دوران چھینی و چوری شدہ 40موٹرسائیکلیں اور 4گاڑیاں بھی برآمدکی ہیں۔

Short Link: https://urdu.app.com.pk/urdu/?p=548764