نیویارک۔ 28 ستمبر (اے پی پی) ایران کے وزیر خارجہ محمد جواد ظریف نے کہا ہے کہ کردستان ریفرنڈم سے علاقائی استحکام کو شدید خطرہ لاحق ہے ایران کے وزیر خارجہ نے گزشتہ روز نیو یارک میں میڈیا سے گفتگو کرتے ہوئے کہا کہ ایسے وقت میں جب خطے میں تمام کوششیں داعش کے خاتمے پر مرکوز ہیں عراقی کردستان میں منعقدہ ریفرنڈم سے علاقائی استحکام کو شدید خطرہ لاحق ہے۔انہوں نے کہا کہ ایران جوہری معاہدے پر از سر نو مذاکرات سے نئی صورتحال پیدا ہوگی۔انہوں نے ایران جوہری معاہدے پر از سر نو مذاکرات کو غیرحقیقت پسندانہ قرار دیتے ہوئے کہا کہ اس مسئلے پر صرف ایران نہیں بلکہ یورپی ممالک بھی دوبارہ مذاکرات کی مخالفت کرتے ہیں۔ انہوں نے ایران کی جانب سے میزائل تجربے کرنے کے امریکی صد ٹرمپ کے دعوے کے ردعمل میں کہا کہ امریکی صدر اپنا بیان جاری کرنے سے پہلے حقائق کا صحیح انداز میں جائزہ لیں۔ایران کے وزیر خارجہ نے کہا کہ جوہری معاہدے کے خاتمے کے بعد ہمارے پاس متعدد آپشنز موجود ہیں۔
Short Link: https://urdu.app.com.pk/urdu/?p=71507
