کریڈٹ کارڈز کے ذریعے خریداری اور ادائیگیوں میں اپریل کے دوران سالانہ بنیاد پراضافہ ہوا،سٹیٹ بینک

اسلام آباد۔21مئی (اے پی پی):کریڈٹ کارڈز کے ذریعے خریداری اور ادائیگیوں میں اپریل کے دوران سالانہ بنیاد پراضافہ ریکارڈ کیا گیا۔سٹیٹ بینک کے مطابق اپریل 2025میں صارفین نے کریڈٹ کارڈز کے ذریعے150 ارب روپے کی خریداری اور ادائیگیاں کیں جو گزشتہ سال اپریل کے مقابلے میں 29.3فیصدزیادہ ہیں،

گزشتہ سال اپریل میں صارفین نے کریڈٹ کارڈز کے ذریعہ116ارب روپے کی خریداری اور ادائیگیاں کی تھیں۔ مارچ کے مقابلے میں اپریل میں کریڈٹ کارڈز کے ذریعے خریداری اور ادائیگیوں میں ماہانہ بنیاد پر 6.6فیصد اضافہ ہوا، مارچ میں کریڈٹ کارڈز کے ذریعے صارفین نے 141 ارب روپے کی خریداری اور ادائیگیاں کی تھیں۔

Short Link: https://urdu.app.com.pk/urdu/?p=599646