اسلام آباد۔18جون (اے پی پی):وزیر اعظم محمد شہباز شریف نےکہا ہے کہکلر کہار بس حادثے کے نتیجے میں ضائع ہونے والی انسانی جانوں پر دلی طور پر رنجیدہ ہوں،سالٹ رینج پر حادثات کا تواتر کے ساتھ ہونا پریشان کن ہے۔
اتوار کو اپنے ٹویٹ میں انہوں نے ہدایت کی کہ موٹروے حکام اس امر کو یقینی بنائیں کہ موٹر وے پر چلنے والی گاڑیاں سفر کے قابل ہوں اور ڈرائیور حضرات ڈرائیونگ کے تمام معیارات پر پورے اترتے ہوں۔وزیر اعظم نے کہا کہ قواعد و ضوابط پر سختی سے عمل کرکے ہی سفر کو محفوظ بنایا جا سکتا ہے۔ میری ہمدردیاں اور دعائیں ان تمام خاندانوں کے ساتھ ہیں جن کے پیارے اس دردناک حادثے میں ان سے بچھڑ گئے۔
