نوم پنہ۔9جولائی (اے پی پی):کمبوڈیا کے بادشاہ نورودوم سیہامونی نے تمام شعبہ ہائے زندگی سے تعلق رکھنے والے شہریوں سے اپیل کی ہے کہ وہ درخت لگائیں تاکہ ملک کو ہر موسم میں سرسبز و شاداب بنایا جا سکے۔ شنہوا کے مطابق انہوں نے یہ اپیل بدھ کو ضلع چمکر لیو کے گائوں کسیتھان میں منعقدہ 30 ویں قومی آربر ڈے کے موقع پر ایک تقریب کے دوران کی، جس میں ہزاروں شرکا موجود تھے۔
انہوں نے کہا کہ ہر قسم کے درخت اور پودے لگانا فطرت میں ایک سرسبز سرمایہ کاری ہے جو ہم سب، انسانوں، جانوروں اور کرہ ارض کےلئےمتعدد فوائد فراہم کرتی ہے اور ہمارے گاؤں اور آبادیوں کو ہر موسم میں سرسبز اور متحرک بناتی ہے۔ انہوں نے مزید کہا کہ آربر ڈے ایک عظیم ثقافت ہے اور پائیدار طور پر جنگلات اور قدرتی وسائل کی بحالی اور تحفظ کے لئے ایک اہم قومی تحریک ہے۔
