گوجرانوالہ۔ 02 اگست (اے پی پی):کمشنر سید نوید حیدر شیرازی کی زیر صدارت بیوٹیفیکیشن آف گوجرانوالہ ڈویثرن کی پیش رفت کا اہم اجلاس ہوا جس میں ستھرا پنجاب پروگرام، شہروں کی خوبصورتی کے منصوبوں اور دیگر سرکاری سروسز کی بہتری سے متعلق جائزہ لیا گیا۔
ڈپٹی کمشنر نوید احمد اور ڈپٹی کمشنر حافظ آباد عبد الرزاق،ایڈیشنل کمشنر کوآرڈی نیشن محمد شفیق،اسسٹنٹ کمشنر جنرل،اسسٹنٹ کمشنر ریونیو محمد فرقان،ڈائریکٹر ڈویلپمنٹ محمد عبدالرؤف کمشنر دفتر جبکہ ڈویثرن کے تمام اضلاع کے ڈپٹی کمشنرز بذریعہ ویڈیو لنک اجلاس سے منسلک تھے۔
کمشنر سید نوید حیدر شیرازی نے کہا کہ عوامی فلاح کے منصوبوں کو جلد پایہ تکمیل تک پہنچانے کے لیے کوئی کسر اٹھا نہ رکھی جائے۔کمشنر نے ہدایت کی کہ تجاوزات کے خاتمے کے بغیر سڑکوں ،چوراہوں کی خوبصورتی میں اضافہ ممکن نہیں ،لہذا انکے خلاف جاری مہم کو مزید تیز کیا جائے،غیرقانونی تعمیرات اور قبضہ مافیا کے خلاف زیرو ٹالرنس پالیسی اپنائی جائے گی۔
