چنیوٹ۔ 21 مارچ (اے پی پی):فیصل آباد ڈویژن میں صحت کی سہولیات عوام کی دہلیز تک پہنچانے کے لئے موثر اقدامات کئے جارہے ہیں۔کمشنر فیصل آباد مریم خان نے ڈسٹرکٹ ہیڈ کوارٹرز ہسپتال ضلع چنیوٹ کا دورہ کیا۔ڈپٹی کمشنر صفی اللہ گوندل بھی ہمراہ تھے۔کمشنر نے داخلی کاؤنٹر پر مریضوں کو سلپ/پرچی کی فراہمی کا جائزہ اور مریضوں کو فراہم کی جانے والی طبی سہولیات کا مشاہدہ کیا۔انہوں نے ادویات کی دستیابی پر اطمینان کا اظہارکیا اورہسپتال کے مختلف شعبے بھی دیکھے۔
کمشنر نے کہاکہ وارڈز میں مریضوں کے علاوہ لواحقین کے ہمراہ آنے والے بچوں کا داخلہ بند کیا جائے تاکہ ان کی صحت متاثر نہ ہو۔انہوں نے ایک مریض کے آپریشن کے بارے میں ڈاکٹر سے وضاحت لی اور مریضوں کی دیکھ بھال کی ہدایت کی۔انہوں نے ہسپتال کے انتظامی امور میں بہتری پر ڈپٹی کمشنر کی کاوشوں کو سراہا۔کمشنر نے60 بیڈ کے زیرتعمیر سرجیکل بلاک کا بھی معائنہ کیا اور کہ سرجیکل بلاک کی تعمیر جلد مکمل کی جائے۔انہوں نے کہا کہ وارڈ کی تعمیر سے مریضوں کو علاج معالجہ کی بہترین اور تیزرفتار طبی سہولیات میسر آئیں گی۔
Short Link: https://urdu.app.com.pk/urdu/?p=575110
