ملتان ۔ 07 مارچ (اے پی پی):کمشنر ملتان ڈویژن عامر کریم خاں کی زیر صدارت کپاس کی کاشت، صورتحال بارے جائزہ اجلاس منعقد ہوا۔ اجلاس سےخطاب کرتے ہوئے کمشنر عامر کریم خاں نے کہا کہ حکومت پنجاب کی جانب سے ملتان ڈویژن کو 3 لاکھ 80 ہزار ایکڑ پر کپاس کاشت کا ہدف دیا گیا ہے۔ 3 لاکھ 80 ہزار ایکڑ پر کپاس کی کاشت سے 12 لاکھ سے زائد گانٹھوں کا ہدف حاصل کیا جائے گا۔
محکمہ زراعت کا سٹاف کپاس کی کاشت بارے کسانوں کے مسائل حل کرنے بارے فیلڈ میں موجود رہے۔ سفید مکھی، سبز تیلے تھرپس اور جڑی بوٹیوں پر خصوصی نظر رکھی جائے۔پیسٹ سکاؤٹنگ،سرویلنس میں تیزی،ضرر رساں کیڑوں کے حملے کو بروقت کنٹرول کیا جائے۔ ڈویژن میں کپاس کی فصل کیلئے وافر پانی مہیا کیا گیا ہے۔ کسان کی روزی روٹی زمین سے جڑی ہے، اس کی داد رسی ناگزیر ہے۔
حکومت پنجاب کسانوں کو ریلیف دینے بارے اقدامات کررہی ہے۔ ڈائیریکٹر زراعت شہزاد صابر کی کپاس کی فصل بارے تفصیلی بریفنگ دیتے ہوئے بتایا کہ اب تک 1 لاکھ 19 ہزار 264 ایکڑ پر کپاس کاشت کی جاچکی ہے31 فیصد ٹارگٹ حاصل کیا جاچکا ہے۔ڈویژن میں ڈی اے پی، فرٹیلائزرز، یوریا وافر مقدار میں موجود ہے۔ اجلاس میں سٹیک ہولڈرز ، محکمہ زراعت کے افسران موجود تھے۔
Short Link: https://urdu.app.com.pk/urdu/?p=570183
