ملتان ۔ 16 اپریل (اے پی پی):کمشنر ملتان ڈویژن عامر کریم خاں نے ترقیاتی اسکیموں کا جائزہ لینے کیلئے مختلف علاقوں کا دورہ کیا۔انہوں نے کوٹلہ تولے خاں کی حالیہ تعمیر شدہ سڑک کا معائنہ کیا جبکہ واٹر ورکس روڈ پر جاری کام 15 دن میں مکمل کرنے کی ہدایت دی۔انہوں نے واٹر ورکس روڈ کے ڈیوائڈر کو خوبصورت بنانے کا حکم دیتے ہوئے کہا کہ گھنٹہ گھر گول چکر پر مسجد کی بحالی اور اپ گریڈیشن جلد مکمل کی جائے، شہر کی تزئین و آرائش ترجیح ہے۔
شہر کو خوبصورت اور جدید بنانے کیلئے اقدامات تیز کرنے کی ہدایت کی۔ قبل ازایں کمشنر عامر کریم خاں نے کوٹلہ تولے خاں زیر تعمیر سکول کا دورہ کیا اور ترقیاتی کام جلد مکمل کرکے سکول میں کلاسز کا اجراء کرنے کا حکم دیا۔انہوں نے کہا کہ کرایہ کی عمارت میں قائم گورنمنٹ ایم سی پرائمری سکول کو نئی عمارت میں منتقل کیا جائے گا۔ پلے گروپ سے دہم تک سکول کو مکمل فنکشنل کیا جائے گا۔
سی او ایجوکیشن صفدر حسین واہگہ کی جانب سے تفصیلی بریفننگ دی گئی۔
Short Link: https://urdu.app.com.pk/urdu/?p=583115
