کراچی۔13ستمبر (اے پی پی):کوئٹہ انٹرنیشنل ایئرپورٹ پر فل سکیل ہنگامی مشق کا انعقاد کیا گیا۔بدھ کو پاکستان سول ایوی ایشن ترجمان کے بیان کے مطابق مشق کا مقصد ریسکیو سروسز سمیت دیگر سٹیک ہولڈرز کی استعداد کار کو جانچنا تھا،مشق کے دوران مسافروں کو باہر نکالا گیا، ابتدائی طبی امداد فراہم کی گئی اور شدید زخمیوں کو سول ہسپتال کوئٹہ پہنچایا گیا۔
ترجمان نے کہاکہ ہنگامی مشق کا ہدف دو منٹ کا ایمرجنسی ریسپانس ٹائم تھا جسے وقت سے پہلے حاصل کر لیا گیا ،مشق میں ریسکیو فائر فائٹنگ، سول ایوی ایشن، پی اےایف، اے ایس ایف نے حصہ لیا جبکہ گرائونڈ ہینڈلنگ ایجنسیز، ایئرپورٹ ہیلتھ ڈیپارٹمنٹ، ڈسٹرکٹ ہیلتھ ڈیپارٹمنٹ، سول ڈیفنس، پی سی اے اے کے طبی حکام، ڈسٹرکٹ فائر بریگیڈ، ڈسٹرکٹ پولیس ،ریسکیو 1122، پاکستان ریڈ کریسنٹ، ایدھی ریسکیو اور بم ڈسپوزل نے بھی شرکت کی۔
انہوں نے کہاکہ مشق کے اختتام پر چیف آپریٹنگ آفیسر نے شرکاء کو بریفنگ دی۔شہری ہوابازی تنظیم ’’اکاو‘‘ کے ضوابط کے مطابق بین الاقوامی ہوائی اڈوں پر ہر2 سال میں ایک بار فل سکیل ایئرپورٹ ایمرجنسی مشق ضروری ہے۔
Short Link: https://urdu.app.com.pk/urdu/?p=390050
