برسلز۔25اکتوبر (اے پی پی):عالمی ادارہ صحت ڈائریکٹر جنرل تیدروس گیبرے سوس نے کہا ہے کہ کووڈ۔19 ویکسین ماہ نومبر کے آخیر میں استعمال کے لیے دستیاب ہو سکتی ہیں۔ادارے کے ڈائریکٹر جنرل تیدروس گیبرے سوس نے مرکزی دفتر سے ویڈیو پریس کانفرس بتایا ہے کہ ’ہم کورونا وائرس کی وبا کے اعتبار سے اس وقت شمالی نصف کرہ ارض میں ایک نازک دور سے گزر رہے ہیں، آئندہ کے چند ماہ کافی کٹھن گزریں گے اور بعض ممالک خطرات سے پر راستے پر نکل چکے ہیں۔انہوں نے ملکی سربراہان سے کوتاہی سے اموات کا سد باب، بنیادی حفظانِ صحت کی خدمات میں خامیوں کو دور کرنے اور سکولوں کو دوبارہ سے بند کرنے کا سد باب کرنے کے لیے فوری طور پر اقدامات اٹھانے کی اپیل کی ہے۔ویکسین کی تیاری کے حوالے سے ایک سوال کے جواب سائنسی وفد کے ہیڈ ماہر ڈاکٹر سومیا سوامی ناتھن کا ککہنا تھا کہ اس وقت کام جاری ہونے والی ویکسین کی تیاری سے ہماری توقع سال کے اختتام سے پیشتر اور ماہ نومبر کے اختتام تک ایک یا 2 ویکسین سے مثبت نتائج حاصل ہونے کا امکان ہے۔انہوں نے بتایا کہ ہنگامی استعمال کے ایجنڈے میں آنے کی صورت میں اس معاملے میں ہماری کسوٹیاں کم سے کم سطح کی ہوں گی۔
