کویت میں منشیات سمگلنگ کی بڑی کوشش ناکام

کویت سٹی ۔9اپریل (اے پی پی):کویت کے کسٹم افسران نے یورپی ملک سے آنے والے پارسل کے ذریعے منشیات سمگل کرنے کی کوشش ناکام بنادی۔کویتی اخبار ’السیاسہ‘ کے مطابق ایئر کارگو کسٹمز ڈیپارٹمنٹ کے افسران نے یورپی ملک سے آنے والے پارسل میں چھپائی گئی 26 کلو گرام سے زائد منشیات سمگل کرنے کی کوشش کو ناکام بنادیا۔

ایئر کسٹمز حکام کا کہنا ہے کہ بیرون ملک سے آنے والے ایک پارسل پر شک ہوا جس کی جانچ پڑتال کی گئی تو اس سے 3 کلو گرام کوکین، 12 کلو گرام ماریجوانا اور 11.250 کلو گرام حشیش برآمد ہوئی۔حکام کا کہنا ہے کہ واقعے کی رپورٹ تیار کرلی گئی ہے اور ضروری اقدامات کیے جارہے ہیں جبکہ ضبط کی جانے والی منشیات کو مزید تفتیش کے لیے مجاز حکام کے حوالے کردیا گیا۔

Short Link: https://urdu.app.com.pk/urdu/?p=579780