اسلام آباد۔18فروری (اے پی پی):کویت میں کام کرنے والے پاکستانیوں کی ترسیلات زرمیں جاری مالی سال کے پہلے 7 ماہ میں گزشتہ مالی سال کی اسی مدت کے مقابلہ میں 8.8 فیصداضافہ ریکارڈکی گیا ہے۔
سٹیٹ بینک کی جانب سے اس حوالہ سے جاری کردہ اعدادوشمارکے مطابق جاری مالی سال کے پہلے 7 ماہ میں کویت میں کام کرنے والے پاکستانیوں نے 538.8 ملین ڈالرکازرمبادلہ ملک ارسال کیاجوگزشتہ مالی سال کی اسی مدت کے مقابلہ میں 8.8 فیصدزیادہ ہے، گزشتہ مالی سال کی اسی مدت میں کویت میں کام کرنے والے پاکستانیوں نے 495.1 ملین ڈالرکازرمبادلہ ملک ارسال کیاتھا۔
جنوری کے مہینہ میں کویت سے ترسیلات زرکاحجم 63.1ملین ڈالرریکارڈکیاگیا جوگزشتہ سال جنوری کے مقابلہ میں کم ہے، گزشتہ سال جنوری میں کویت میں کام کرنے والے پاکستانیوں نے 73.7 ملین ڈالرکازرمبادلہ ملک ارسال کیاتھا۔
موجودہ حکومت کی جانب سے قانونی اوربینکنگ زرائع سے ترسیلات زرکی حوصلہ افزائی کیلئے اقدامات اورسہولیات کی وجہ سے سمندرپارپاکستانیوں کی ترسیلات زرمیں جاری مالی سال کے دوران 9.1 فیصدکی نموریکارڈکی گئی ہے۔
