فیصل آباد۔ 16 اکتوبر (اے پی پی):جامعہ زرعیہ فیصل آباد کے ماہرین زراعت نے کہاہے کہ کھیرا حیاتین اور معدنی نمکیات کی کمی کو پورا کرنے کیلئے قدرت کاانمول تحفہ ہے کیونکہ ہر کھیرے میں 10ملی گرام کیلشیم، 25ملی گرام فاسفورس، 1.5 ملی گرام فولاد اور 7ملی گرام وٹامن سی ہوتا ہے جو انسان کے جسم کے مختلف اجزا کو تندرست و توانا رکھنے میں اہم کردار ادا کرتاہے۔
انہوں نے کہاکہ حکومت گھریلو سطح پر سبزیوں کی کاشت کی حوصلہ افزائی کیلئے کچن گارڈننگ پروگرام کی بھرپور حوصلہ افزائی کررہی ہے۔انہوں نے کہا کہ شہری موسم گرما کی8سبزیوں اور کھیرے کے اعلیٰ معیار کے حامل بیج استعمال کریں۔انہوں نے بتایاکہ گھریلو سطح پر لوگ کھیرا ودیگر سبزیاں کاشت کرکے سپرے کے مضر اثرات سے پاک کھیرا اور دیگر سبزیاں انتہائی ارزاں مالیت پر حاصل کرسکتے ہیں۔
Short Link: https://urdu.app.com.pk/urdu/?p=513516
