اسلام آباد۔30اگست (اے پی پی):وزیر اعظم یوتھ پروگرام کے چیئرمین رانا مشہود احمد خان نے پاکستان سٹریٹ فٹ بال ٹیم کو قوم کا فخر قرار دیتے ہوئے کہا ہے کہ کھیل کے میدان میں محنت سے آسمان کی بلندیوں کو چھو سکتے ہیں،وزیر اعظم یوتھ پروگرام کے دروازے نوجوانوں کے لیے کھلے ہیں۔ان خیالات کا اظہار انہوں نے جمعرات کوپاکستان سٹریٹ فٹ بال ٹیم کے اعزاز میں تقسیم انعامات کی تقریب سے خطاب کرتے ہوئے کیا۔
انہوں نے پاکستان سٹریٹ فٹ بال ٹیم کے کھلاڑی قوم کا فخر ہیں جو یہاں بیٹھے ہیں۔انہوں نے دنیا میں پاکستان کانام روشن کیا ہے اور سبز ہلالی پرچم بلند کیاہے۔کھیل کے میدان اگر آپ محنت کریں تو آسمان تک کی بلندیوں کو چھو سکتے ہیں۔انہوں نے کہا کہ پاکستان آسانی سے حاصل نہیں ہوا،ہمارے آباؤاجداد نے اس کے لیے بڑی قربانیاں دی ہیں۔انہوں نے کہا کہ یہ نوجوان پاکستان کے بارے میں منفی تاثر کو زائل کرسکتے ہیں۔انہوں نے کہا کہ معیشت سمیت ہر طرف سے مثبت خبریں آرہی ہیں۔
انہوں نے کہا کہ دانش سکولز کو پورے پاکستان میں لے کر جارہے ہیں۔انہوں نے کہا کہ نوجوان ہمارا بڑا اثاثہ ہیں،دنیابھر سے پاکستان سے ہنر مند افراد مانگے جا رہے ہیں ،وزیراعظم یوتھ پروگرام کے تحت نوجوانوں کو ہنرمند بنانے کے لیے فنی تربیت فراہم کی جارہی ہے،
وزیر اعظم یوتھ پروگرام کے دروازے نوجوانوں کے لیے کھلے ہیں۔رانا مشہود احمد نے کہا کہ حکومت آئی ٹی سیکٹر کے فروغ پر بھرپور توجہ دے رہی ہے ،اگلے چند سالوں میں آئی ٹی سیکٹر کی برآمدات دو عشاریہ پانچ ارب ڈالرسے 25 ارب ڈالر تک لے جائیں گے۔
