24.1 C
Islamabad
اتوار, اگست 31, 2025
ہومکھیل کی خبریںکیریبین پریمیئر لیگ ،سینٹ کٹس اینڈ نیوس پیٹریاٹس اور گیانا ایمیزون واریئرزکی...

کیریبین پریمیئر لیگ ،سینٹ کٹس اینڈ نیوس پیٹریاٹس اور گیانا ایمیزون واریئرزکی ٹیمیں ہفتہ کو پنجہ آزمائی کریں گی

- Advertisement -

جمیکا۔15اگست (اے پی پی):کیریبین پریمیئر لیگ میں کل(ہفتہ کو ) مزیدایک میچ کھیلا جائے گا،جس میں سینٹ کٹس اینڈ نیوس پیٹریاٹس اور گیانا ایمیزون واریئرزٹیمیں وارنر پارک، باسیٹری، سینٹ کٹس کے مقام پر آمنے سامنے ہوں گی۔ سی پی ایل کاتیرہواں ایڈیشن ویسٹ انڈیز میں جاری ہے جس میں شائقین کو دلچسپ اور کانٹے دار مقابلے دیکھنے کو مل رہے ہیں ۔ لیگ میں دنیائے کرکٹ کے مختلف ممالک کے نامور کھلاڑی ایکشن میں نظر آئیں گے۔ لیگ میں 16 اگست کوکھیلے جانے والے واحد میچ میں سینٹ کٹس اینڈ نیوس پیٹریاٹس اور گیانا ایمیزون واریئرزٹیمیں وارنر پارک، باسیٹری، سینٹ کٹس کے مقام پر نبرد آزما ہوں گی۔

سینٹ کٹس اینڈ نیوس پیٹریاٹسکو مایہ ناز آل رائونڈر جیسن ہولڈر لیڈ کر رہے ہیں ۔ لیگ میں 6 ٹیمیں ٹائٹل کے حصول کے لئے پنجہ آزمائی کرہی ہیں جن میں دفاعی چیمپئن سینٹ لوشیا کنگز ،گیانا ایمیزون واریئرز ، اینٹیگوا اینڈ باربوڈا فالکنز ،سینٹ کٹس اینڈ نیوس پیٹریاٹس، بارباڈوس رائلز اورٹرنباگو نائٹ رائیڈرزشامل ہیں ۔

- Advertisement -

لیگ میں فائنل سمیت 34میچ کھیلے جائیں گے۔ کیریبین پریمیئر لیگ کا آغاز 2013میں ہوا تھا۔ کیریبین پریمیئر لیگ کی تاریخ میں اب تک 12 ایڈیشن کھیلے جاچکے ہیں جن میں ٹرنباگو نائٹ رائیڈرز کی ٹیم سب سے زیادہ چار مرتبہ ٹائٹل جیت چکی ہے، جمیکا تلاوا تین ،بارباڈوس کی ٹیم دو جبکہ گیانا ایمیزون واریئرز ، سینٹ کٹس اینڈ نیوس پیٹریاٹس اور سینٹ لوشیاکنگز کی ٹیم ایک،ایک مرتبہ یہ ٹائٹل اپنے نام کر چکی ہیں ۔

- Advertisement -
متعلقہ خبریں
- Advertisment -

مقبول خبریں