کوئٹہ۔ 12 جنوری (اے پی پی):کوئٹہ الیکٹرک سپلائی کمپنی نے برقی تنصیبات اور لائنوں پر ضروری مرمتی کاموں کے باعث 14 اور 15 جنوری کو بجلی بندش کا شیڈول جاری کردیا۔
کیسکو کے اعلامیہ کے مطابق برقی تنصیبات اورلائنوں پر ضروری مرمتی کاموں کے سلسلے میں 14جنوری کو اتوار کو مری آبادگرڈ سٹیشن کے گلستان روڈ، لیاقت بازارایکسپریس، واسا، سدرن کمانڈ فیڈروں سے صبح10بجے سے دوپہر2بجے تک بجلی بندرہے گی۔
اسکے علاوہ کوئٹہ شہرکے مختلف علاقوں میں بجلی کھمبوں کی شفٹنگ اور ترقیاتی کام کئے جارہے ہیں اس سلسلے میں 14اور15جنوری کو مری آبادگرڈ سٹیشن کے گلستان روڈ، کاسی ون، کاسی ٹو اور کوئٹہ سٹی گرڈاسٹیشن کے جناح ٹاون، بروری روڈ، پی اے ایف سٹی، انٹرکنیکٹر، عالم خان، مالک، نواں کلی، جی او آرکالونی، اولڈسمنگلی، کسٹم فیڈرون سے صبح10:30بجے سے شام 4:30بجے تک بجلی بندرہے گی
،اسی دنوں میں سریاب گرڈ سٹیشن کے ہزارہ ٹائون، جائنٹ روڈ، انڈسٹریل، کرانی، نیو اور اولڈجان محمد، منی مارکیٹ، سرکی روڈ، اولڈلیاقت بازار، گرڈکالونی، سریاب ون سریاب ٹو، چلتن، جڑسا، دلدارکاریز، سیٹلائٹ ٹائون، خیر بخش مری، واسا، اے ون سٹی، سمنگلی ایکسپریس، کرانی ایکسپریس اور غازی فیڈروں سے صبح9بجے سے سہ پہر3بجے تک بجلی بندہوگی،
علاوہ ازیں 14جنوری اور15جنوری کو (روزانہ) شیخ ماندہ گرڈاسٹیشن کے ویسٹرن بائی پاس، کڈنی سینٹر، خروٹ آباد، داریم، جبل نور، ادیان، تکاتو، چشمہ، گارڈن، واسااور عمر فیڈروں سے صبح10بجے تا شام 4بجے جبکہ انڈسٹریل گرڈکے بولان، انڈسٹریل سیٹلائٹ ٹاون ایکسپریس،
بن یامین، پشتون آباد ایکسپریس، کیو ای ایس، اولڈپشتون آباد، شاہین اسٹیل، عاصم آباد، ایسٹرن بائی پاس، نیو پشتون آباد، نیو اور اولڈمیاں غنڈی،راڈار،شموزئی اورایف جی ایس فیڈروں سے دن 11بجے سے شام ساڑھے پانچ بجے تک بجلی کی فراہمی معطل رہے گی۔
تاہم کیسکونے اس دورانیہ میں بجلی بندش کے باعث زحمت پر متعلقہ صارفین سے پیشگی معذرت کی ہے۔
