اوٹاوا ۔ 20 اکتوبر (اے پی پی) کینیڈا کے مرکزی بینک نے قرضوں پر شرح سود 0.5 فیصد کی سطح پر برقرار رکھنے کا فیصلہ کیا ہے۔ مقامی ذرائع ابلاغ کے مطابق بینک آف کینیڈا نے اپنے بیان میں کہا ہے کہ شرح سود کو موجودہ سطح پر برقرار رکھنے کا فیصلہ ملکی شرح نمو کے سست روی کے پیش نظر کیا گیا ہے۔ بیان کے مطابق ملکی شرح نمو رواں سال جولائی کے تخمینوں سے کم ہے۔ مرکزی بینک نے رواں سال کیلئے اقتصادی آﺅٹ لک میں 2 پرسینٹیج پوائنٹ کی کمی کرتے ہوئے 1.1 فیصد کر دی ہے جبکہ 2017ءاور 2018ءکے دوران اقتصادی شرح نمو کے تخمینوں میں بھی کمی کرتے ہوئے اقتصادی شرح نمو 2.0 فیصد رہنے کا امکان ظاہر کیا ہے۔
