لندن۔10جولائی (اے پی پی):جمہوریہ چیک کی ٹینس کھلاڑی کیٹرینا سینیاکووا اور ان کی امریکی جوڑی دار ٹیلر ٹاؤن سینڈپر مشتمل ٹاپ سیڈڈ جوڑی رواں سال کے تیسرے گرینڈ سلام ومبلڈن اوپن ٹینس ٹورنامنٹ کے خواتین کے ڈبلز مقابلوں میں اپنی عمدہ کارکردگی کی بدولت سیمی فائنل میں پہنچ گئی ۔
کیٹرینا سینیاکووا اور ٹیلر ٹاؤن سینڈپر مشتمل ٹاپ سیڈڈ جوڑی نے ویمنز ڈبلز کے کوارٹر فائنل رائونڈ میچ میں ہنگری کی ٹینس سٹارتمیا بابوس اور ان کی برازیلین جوڑی دار لوئیسا سٹیفانی کو شکست دی ۔ انگلینڈ کے دارالحکومت لندن میں جاری رواں سال کے تیسرے گرینڈ سلام ومبلڈن اوپن ٹینس ٹورنامنٹ میں کانٹے دار مقابلے جاری ہیں
جس کے خواتین کے ڈبلز مقابلوں کے کوارٹر فائنل رائونڈ میچ میں جمہوریہ چیک کی ٹینس کھلاڑی کیٹرینا سینیاکووا اور ان کی امریکی جوڑی دار ٹیلر ٹاؤن سینڈپر مشتمل ٹاپ سیڈڈ جوڑی نے عمدہ کھیل پیش کرتے ہوئے ہنگری کی ٹینس سٹارتمیا بابوس اور ان کی برازیلین جوڑی دار لوئیسا سٹیفانی کو 6-7(2-7)اور 3-6سے نہ صرف شکست دی بلکہ میگا ایونٹ کے سیمی فائنل رائونڈ کے لئے بھی کوالیفائی کرلیا۔
