پیرس۔30مئی (اے پی پی):جمہوریہ چیک کی نامور ٹینس سٹار کیٹرینا سینیاکووا اور ان کی امریکی جوڑی دار ٹیلر ٹاؤن سینڈ پر مشتمل ٹاپ سیڈڈ جوڑی فرنچ اوپن ٹینس ٹورنامنٹ کے ویمنز ڈبلز مقابلوں کے دوسرے رائونڈ میں پہنچ گئی ۔
کیٹرینا سینیاکووا اور ٹیلر ٹاؤن سینڈ پر مشتمل ٹاپ سیڈڈجوڑی نے خواتین کے ڈبلز مقابلوں کے ابتدائی میچ میں آسٹریلوی ٹینس کھلاڑی اولیویا گیڈیکی اور ان کی چین کی جوڑی دار شوائی ژینگ کو 0-2 سیٹس سے شکست دی۔
سال کے دوسرا گرینڈ سلام فرنچ اوپن ٹینس ٹورنامنٹ کے دلچسپ اور کانٹے دار مقابلوں کا سلسلہ فرانس کے دارلحکومت پیرس میں جاری ہے ۔
ویمنز ڈبلز مقابلوں کے ابتدائی رائونڈ میچ میں جمہوریہ چیک کی نامور ٹینس سٹار کیٹرینا سینیاکووا اور ان کی امریکی جوڑی دار ٹیلر ٹاؤن سینڈ پر مشتمل ٹاپ سیڈڈ جوڑی نے شاندار کارکردگی کا مظاہرہ کرتے ہوئے آسٹریلوی ٹینس کھلاڑی اولیویا گیڈیکی اور ان کی چین کی جوڑی دار شوائی ژینگ کو ٹائی بریک پر سٹریٹ سیٹس میں 2-6 اور 6-7(2-7) سے شکست دے کر میگا ایونٹ کے دوسرے رائونڈ کے لئے کوالیفائی کرلیا،جہاں فاتح ٹاپ سیڈڈ جوڑی کا مقابلہ برطانوی جوڑی سے ہوگا۔
Short Link: https://urdu.app.com.pk/urdu/?p=603256
