لیبرویل۔14مارچ (اے پی پی):وسطی افریقی ملک گبون کے 5 طلبا سمندر میں تیراکی کے دوران ڈوب کر ہلاک ہوگئے۔ ٹی آر ٹی کے مطابق گبون کے دارالحکومت لیبرویل میں ہائی سکول کے پانچ طالب علم گرمی کے اثر سے بچنے کے لیے سکول کے سامنے ساحل سمندر پر گئے تھے کہ تیراکی کے دوران ڈوب کر ہلاک ہوگئے ۔
فائر بریگیڈ اور کوسٹ گارڈز کے ذریعے کی گئی امدادی کاروائیوں کے دوران 5 طلبا کی لاشیں برآمد کرلی گئیں ۔ حکام نے واقعے کی تحقیقات شروع کر دی ہیں۔
