اسلام آباد ۔14 ستمبر(اے پی پی) گذشتہ مالی سال 2018ءکے دوران ٹھٹھہ سیمنٹ کمپنی کے بعداز ٹیکس منافع میں 3.2 فیصد کا اضافہ ہوا ہے۔ پاکستان سٹاک ایکسچینج (پی ایس ایکس) کی رپورٹ کے مطابق گذشتہ مالی سال کیلئے کمپنی کا بعداز ٹیکس منافع 741.9 ملین روپے تک بڑھ گیا جبکہ مالی سال 2017ءکے دوران کمپنی نے 718.8 ملین روپے کا خالص منافع کمایا تھا۔ اس طرح مالی سال 2017ءکے مقابلہ میں مالی سال 2018ءکے دوران ٹھٹھہ سیمنٹ کمپنی کے بعداز ٹیکس منافع میں 23.1 ملین روپے یعنی 3 فیصد سے زائد کا اضافہ ریکارڈ کیا گیا ہے۔
