نئی دہلی ۔ 03 فروری (اے پی پی) دوسرے ورلڈ ٹی ٹونٹی بلائنڈ کرکٹ کپ میں پاکستان اور جنوبی افریقہ کی ٹیمیں (کل) ہفتہ کو آمنے سامنے ہوں گی۔ پاکستانی ٹیم ایونٹ میں شاندار کارکردگی کا مظاہرہ کررہی ہے، پاکستان ٹیم مسلسل چار میچز جیت چکی ہے، پاکستانی بلائنڈ ٹیم نے پہلے میچ میں نیوزی لینڈ، دوسرے میچ میں انگلینڈ ، تیسرے میچ میں روایتی حریف اور دفاعی چیمپیئن بھارت کو شکست فاش سے دوچار کیا تھا جبکہ چوتھے میچ میں سری لنکا کو شکست دیکر میگا ایونٹ میں مسلسل چوتھی کامیابی حاصل کی۔
