لاہور۔3جولائی (اے پی پی):گزشتہ چوبیس گھنٹوں کے دوران پنجاب بھرمیں 1314ٹریفک حادثات میں 20 افراد جاں بحق جبکہ 1450 افراد زخمی ہوئے ۔
ایمرجنسی سروسزڈیپارٹمنٹ نے گذ شتہ 24گھنٹوں کے دوران پنجاب بھر میں 1314ٹریفک حادثات پر ریسپانڈ کیا،جن میں 651 افراد شدید زخمی ہوئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا، 799 معمولی زخمی لوگوں کو ریسکیو میڈیکل ٹیموں کے جائے حادثہ پر بروقت طبی امداد فراہم کی گئی، ان حادثات میں زیادہ تر تعداد 74فیصد موٹر سائیکلز حادثات کی ہے۔
ایمرجنسی ا عداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں 777ڈرائیوز،48کم عمرڈرائیور، 504مسافر اور 189پیدل چلنے والے افراد متاثر ہوئے۔
اعدادو شمار سے ظاہر ہوتا ہے کہ258 ٹریفک حادثات کی فون کالز لاہور کنٹر ول روم میں موصول ہوئیں،جس میں صوبائی دارالحکومت293 متاثرین کے ساتھ پہلے، فیصل آباد89 حادثات میں 95 متاثرین کے ساتھ دوسر ے جبکہ ملتان 85حادثات میں 103متاثرین کے سا تھ تیسرے نمبر پر رہا۔
Short Link: https://urdu.app.com.pk/urdu/?p=481262
