اسلام آباد۔8دسمبر (اے پی پی):قومی ادارہ صحت(این آئی ایچ)کے مطابق ملک بھر میں 24 گھنٹوں کے دوران کورونا وائرس کے 24کیس رپورٹ ہوئے، مثبت کیسز کی شرح 0.32فیصد رہی۔جمعرات کو قومی ادارہ صحت(این آئی ایچ)کے جاری اعدادوشمار کے مطابق ملک بھر میں 24 گھنٹوں کے دوران کورونا وائرس کے7ہزار451 ٹیسٹ کئے گئے جن میں سے24 افراد کے ٹیسٹ مثبت آئے ،
اس طرح کورونا ٹیسٹ کی مثبت شرح 0.32فیصد رہی ۔ مزید برآں اس دوران کورونا وائرس سے کوئی مریض جاں بحق نہیں ہواجبکہ26مریضوں کی حالت تشویشناک ہے۔ پشاورمیں 24 گھنٹوں کے دوران471 افراد کے ٹیسٹ کئے گئے جن میں سے5ٹیسٹ مثبت آئے اوروہاں مثبت کیسزکی شرح1.06 فیصد رہی ۔
اسی طرح لاہو ر میں 265ٹیسٹوں میں سے4افراد کے ٹیسٹ مثبت آئے اورشرح1.51فیصد رہی ، اسلام آباد میں395ٹیسٹ کئے گئے جن میں سے2ٹیسٹ مثبت آئے اورشرح 0.51فیصد رہی اورکراچی میں 300ٹیسٹوں میں سے 6افراد کے ٹیسٹ مثبت آئے اور وہاں مثبت کیسوں کی شرح 2فیصد رہی۔
