گلگت بلتستان، کشمیر، شمال مشرقی پنجاب، بالائی خیبر پختونخوا ،مغربی بلوچستان میں چند مقامات پر تیز ہواؤں ،گرج چمک کے ساتھ ہلکی بارش ، بلند پہاڑوں پر ہلکی برفباری کا امکان، محکمہ موسمیات

اسلام آباد۔22اکتوبر (اے پی پی):گلگت بلتستان، کشمیر، شمال مشرقی پنجاب، بالائی خیبر پختونخوا اورمغربی بلوچستان میں چند مقامات پر تیز ہواؤں اور گرج چمک کے ساتھ ہلکی بارش اور بلند پہاڑوں پر ہلکی برفباری کا امکان ہے۔ اس دوران ملک کے بیشتر علاقوں میں مطلع جزوی ابر آلوداورموسم خشک رہے گا۔

محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم جزوی ابر آلود جبکہ بالائی علاقوں میں سرد رہا ہے۔اس دوران بلوچستان، پنجاب،خیبرپختونخوا اور کشمیر میں چند مقامات پر بارش ہوئی۔ سب سے زیادہ بارش کاکول11 ،مالم جبہ 9،پشاور (ایئرپورٹ 4، سٹی ایک)، بنوں 4، باچا خان ایئرپورٹ، چراٹ ، بالاکوٹ 3، دیر(زیریں 2)، سیدو شریف، مردان ایک، مری11، خانپور 5، ملتان (سٹی 4، ایئرپورٹ 2)، جہلم، کوٹ ادو 4، بھکر، ڈی جی خان 2، راولپنڈی (شمس آباد،چکلالہ 2، کچہری ایک)، اسلام آباد(بوکرا، ایئرپورٹ ایک)، لیہ، خانیوال، منڈی بہاؤالدین، منگلا ایک، گڑھی دوپٹہ 8،راولاکوٹ 6، مظفر آباد(سٹی 4،ائرپورٹ 3)،پسنی 7، لسبیلہ 3 اور ژوب میں ایک ملی میٹر بارش ریکارڈ کی گئی ہے۔

اتوار کو ریکارڈ کئے گئے کم سے کم درجہ حرارت کی رپورٹ کے مطابق لہہ درجہ حرارت منفی 3 ، اسکردو صفراورکالام می ایک ڈگری سینٹی گریڈ ریکارڈ کیا گیا ہے۔

Short Link: https://urdu.app.com.pk/urdu/?p=404036