پشاور۔ 12 دسمبر (اے پی پی):جی ایم ٹوارزم اینڈ کلچر اتھارٹی محمد علی سید نے کہا ہے کہ گلگت سے چترال اور دیر تک کی شاہراہ پر کام جاری ہے،کوشش ہے کہ سیاحوں کو سہولیات اور آسانیاں فراہم کی جائیں تاکہ معاشی طور پر چترال ترقی کرسکے۔
ان خیالات کا اظہار انہوں نے میڈیا سے گفتگو کرتے ہوئے کیا۔جی ایم ٹوارازم محمد علی سید کا کہنا تھا کہ گلگت سے چترال اور چترال سے دیر تک کی شاہراہ پر کام جاری ہے، اگلے سال روڈ کارپٹڈ بن جائے گا جس سے آمد ورفت میں آسانی ہوگی۔انہوں نے کہا کہ چترال کی کئی وادیوں میں مسائل ہیں، جنہیں حل کرنے کیلئے اقدامات جاری ہیں، وادی کیلاش اور بمبوریت تک رابطہ سڑک بھی تعمیر کی جارہی ہے۔
ان کا کہنا تھا کہ گرم چشمہ، بونی اور ترچ میر تک نئی سڑک اور سیاحوں کی سہولت کیلئے ریسٹ ایریاز بنا رہے ہیں،سیاحوں کی بہتر سہولت کیلئے ریسٹ ہاوسز نجی شعبے کے حوالے کئے گئے ہیں۔ انہوں نے کہا کہ بونی میں سکی ریزورٹ کی سٹڈی کیساتھ ہیل سٹیشن بھی بنا رہے ہیں۔
