قصور۔ 27 نومبر (اے پی پی):ڈپٹی ڈائریکٹرمحکمہ زراعت(توسیع)قصورمحمداکرم طاہرنے کہاہے کہ گندم کی فصل ہماری ملکی معیشت کیلئے نہایت اہم ہے جس کی بہترنگہداشت کیلئے جڑی بوٹیوں کی تلفی نہایت ضروری ہے کیونکہ جڑی بوٹیاں گندم کی فصل سے ہوا‘پانی‘روشنی اورخوراک کی حصہ دار بن کر پودے کوکمزور اور سالانہ پیداوار کو 14سے42فیصدتک کم کردیتی ہیں۔
انہوں نے ”اے پی پی“کو بتایاکہ جڑی بوٹیاں گندم کی فصل سے ہوا‘پانی‘روشنی اور خوراک کی حصہ داربن جاتی ہیں جس سے فصل کے پودے کمزورپڑجاتے ہیں۔انہوں نے کاشتکاروں پر زوردیا کہ وہ گندم کی فصل میں جڑی بوٹیوں کی شناخت‘کنٹرول کے مختلف طریقوں‘ سپرے کی احتیاطی تدابیر‘کھاد کے مناسب استعمال‘آبپاشی ودیگر زرعی مسائل پر خصوصی توجہ دیں۔
انہوں نے کہا کہ کاشتکاروں کیلئے جاری منصوبوں‘ گندم اور کپاس کی پیداواری ٹیکنالوجی‘جعلی ادویات وکھادکیخلاف مہم کے مثبت اثرات مرتب ہونگے
Short Link: https://urdu.app.com.pk/urdu/?p=414557
