گورنرسندھ کامران خان ٹیسوری کی خداداد کالونی، شاہراہ  قائدین آمد،علاقہ مکینوں نے شاندار استقبال کیا

کراچی۔ 21 مارچ (اے پی پی):گورنرسندھ کامران خان ٹیسوری کی خداداد کالونی، شاہراہ  قائدین آمد،علاقہ مکینوں نے ان کا فقیدل مثال استقبال کیا، پھولوں کی پتیاں نچھاور کیں اور آتش بازی کا شاندار مظاہرہ کیا،گورنر سندھ علاقہ مکینوں میں گھل مل گئے ، لوگوں نے سیلفیاں بھی بنوائیں،گورنرسندھ نے لائنز ایریا کے مکینوں کے ہمراہ 20ویں سحری بھی کی۔جاری اعلامیہ کے مطابق گورنر سندھ کامران خان ٹیسوری نے میڈیا سے گفتگو کرتے ہوئے کہا کہ وہ روزانہ کسی نہ کسی ٹاؤن کے مہمان بنتے ہیں،لوگوں کی محبت مجھے ان کے قریب رہنے پر مجبور کرتی ہے۔

گورنر سندھ نے کہا کہ علاقہ مکینوں کے مسائل سے آگاہ ہوں اور اس کے لئے آواز بلند کرتا رہوں گا ، وفاق، کراچی کی ترقی کے لئے جلد فنڈز جاری کرے گا ،خوشحالی کا سفر بہت قریب ہے ، پاکستان جلد اپنے پیروں پر کھڑا ہوگا۔انہوں نے کہا کہ ہم نے عوام کے لیے کام کرنا ہے، صوبے کی ترقی کے لیے کام کرنا ہے، اور بجلی، پانی، گیس اور روزگار کے مسائل حل کرنا ہیں۔

گورنر سندھ نے کہا کہ یہ ملک ہم نے بنایا ہے اور اسے بچانے کی ذمہ داری بھی ہماری ہے۔گورنر سندھ نے کہا کہ کراچی کے عوام کے لیے گورنر ہاؤس کے دروازے کھلے ہیں، جہاں ہر طبقہ سے تعلق رکھنے والے لوگ ایک ساتھ بیٹھ کر اتحاد رمضان کے تحت منعقدہ افطار ڈنر کرتے ہیں۔

Short Link: https://urdu.app.com.pk/urdu/?p=575217