گورنرسندھ کی پناہ گزین کیمپوں پر اسرائیل کی مسلسل بمباری کی مذمت

کراچی۔ 14 نومبر (اے پی پی):گورنرسندھ کامران خان ٹیسوری نے پناہ گزین کیمپوں پر اسرائیل کی مسلسل بمباری کی مذمت کرتے ہوئے کہا ہے کہ اسرائیل کی افواج کی جانب سے اسپتالوں اور پناہ گزین کیمپوں کو نشانہ بنانا انتہائی درجہ کی سفاکیت ہے ۔

گورنرہائوس سے منگل کو جاری اعلامیہ کے مطابق انہوں نے مزید کہا کہ اسرائیلی وزیراعظم کی ہٹ دھرمی کے باعث بے گناہ فلسطینی شہید ہورہے ہیں ۔ گورنرسندھ نے کہا کہ عالمی برادری اسرائیلی حملوں کو فوری طو ر پر رکوائے۔