پشاور۔ 21 مارچ (اے پی پی):گورنر خیبر پختونخوا فیصل کریم کنڈی نے جمعہ کے روز وفاقی وزارت صحت اسلام آباد کا دورہ کیا اوروفاقی وزیر صحت مصطفی کمال سے ملاقات کی۔گورنرنے مصطفی کمال کو وزارت صحت کا منصب سنبھالنے پر مبارکباد پیش کی۔ملاقات میں خیبر پختونخوا میں صحت عامہ کی بہتری کے لیے مشترکہ اقدامات اور تعاون کومزیدمضبوط بنانے پر اتفاق کیاگیا۔
ملاقات میں پاکستان کے ہیلتھ ایشوز بالخصوص خیبر پختونخواکے پسماندہ علاقوں میں صحت کی سہولیات کی فراہمی سے متعلق تبادلہ خیال بھی کیاگیا اور خیبر پختونخوا بالخصوص ضم قبائلی اضلاع میں شعبہ صحت کی بہتری اور نئے و جاری منصوبوں سے متعلق گورنرنے اپنی تجاویز پیش کیں۔اس موقع پر گورنرنے کہاکہ وفاق اور صوبے ملکر کام کریں گے تو یقینا صحت کی سہولیات میں بہتری آئے گی،
گورنر فیصل کریم کنڈی نے وفاقی وزیر صحت کو گورنر ہاؤس پشاور کے دورے کی دعوت بھی دی۔وفاقی وزیر مصطفی کمال نے کہاکہ خیبر پختونخوا میں صحت عامہ کی بہتری کیلئے وفاق ادارہ صحت مکمل تعاون کرے گا اوروفاقی حکومت صوبوں کے ساتھ صحت کے شعبے میں ملکر کام کرے گی۔
Short Link: https://urdu.app.com.pk/urdu/?p=575229
