کراچی۔ 09 جولائی (اے پی پی):گورنر سندھ کامران خان ٹیسوری نے مادرِ ملت محترمہ فاطمہ جناح کی 58ویں برسی پر ان کی قربانیوں کو خراجِ عقیدت پیش کیا۔بدھ کو گورنر ہائوس سے جاری اعلامیہ کے مطابق انہوں نے کہا کہ فاطمہ جناح عزم، قربانی اور اصول پسندی کی روشن مثال ہیں۔
انہوں نے کہا کہ قیامِ پاکستان میں فاطمہ جناح نے کلیدی کردار ادا کرتے ہوئے برصغیر کی خواتین کو متحرک کیا۔انہوں نے کہا کہ خواتین کو فاطمہ جناح کی جدوجہد اور افکار سے رہنمائی حاصل کرنی چاہیے۔ گورنر سندھ نے کہا کہ جمہوریت اور خواتین کے حقوق کے لیے فاطمہ جناح کا بے مثال کردار تاریخ کا سنہری باب ہے۔انہوں نے کہا کہ نوجوان نسل کو مادرِ ملت کے نظریات و خدمات سے روشناس کرنا وقت کی اہم ضرورت ہے۔
