اسلام آباد۔13مارچ (اے پی پی):گورنر پنجاب سردار سلیم حیدر خان کی خصوصی کاوشوں سے حسن ابدال اور فتح جنگ کے روٹس پر سی ڈی اے الیکٹرک بسیں چلائی گی۔ جمعرات کو گورنر ہائوس سے جاری بیان کے مطابق گورنر پنجاب سردار سلیم حیدر خان سے چیئرمین سی ڈی اے محمد علی رندھاوا نے ملاقات کی۔
ملاقات میں حسن ابدال اور فتح جنگ کے روٹس پر سی ڈی اے جو اسلام آباد میں ماحول دوست الیکٹرک بسیں چلا رہا ہے، نے فتح جنگ اور حسن ابدال کے عوام کے لیے اسلام آباد کا سفر مزید آسان اور سہل بنانے کے لیے اپنی الیکٹرک بسوں کے روٹس میں توسیع دینے پر اصولی طور پر اتفاق کیا جس کی قانون کے مطابق باقاعدہ منظوری دی جائے گی۔
گورنر پنجاب نے سی ڈی اے کی کارکردگی کو سراہا اور امید ظاہر کی کہ اسلام آباد سےفتح جنگ اور حسن ابدال تک الیکٹرک بسوں کے روٹس میں توسیع سے عوام کی سفری مشکلات کو کم کرنے میں مدد ملے گی۔
Short Link: https://urdu.app.com.pk/urdu/?p=572208
